راسکRASC: نخستین نشست «چهرههای برومند افغانستان» در تاجیکستان برگزار شد.
روز جمعه ۵ خرداد/ جوزا مرکز میراث خطی اکادمی ملی علوم تاجیکستان در شهر دوشنبه میزبان نخستین نشست از سلسله نشستهای موسوم به «چهرههای برومند افغانستان» تحت عنوان حبیبالله کلکانی از عیاری تا پادشاهی» بود.
راهاندازی این سلسله نشستها را اکادمی علوم تاجیکستان، نهادی به نام انجمن دوستی افغانستان و تاجیکستان و مرکز مطالعات افغانستان و منطقه برعهده دارد.
به گفته قاسمشاه اسکندروف، دبیر اکادمی ملی علوم تاجیکستان «اکنون گرامیداشت «شخصیتهای افغانستان اهمیت سیاسی و ملی بیشتری پیدا کرده است.»
به گفتهی او این سلسله نشستها «در پرتو دستورالعملها و رهنمودهای امامعلی رحمان، رئیس جمهور تاجیکستان، با لحن و نیاز روز و در شکلگیری معرفت و احترام به بزرگان گذشته برگزار خواهد شد که نقش روشنی ایفا خواهد کرد.»
آقای اسکندروف در سخنرانی خود ضمن اشاره به شرایط و عوامل «قیام مردم افغانستان» در سال ۱۹۲۹ که حبیبالله کلکانی را به قدرت رساند از دلایل شکست آن و درسهای تاریخی در مورد «بیداری غرور ملی تاجیکهای ساکن افغانستان» با اطلاعات و حقایق جدید سخن گفت.
