خبرگزاری راسک: وزارت امور خارجه طالبان در بیانیهای حمله بر سه شهروند چینی در استان ختلان تاجیکستان را نکوهش کرده و گفته که این حمله از سوی گروههایی انجام شده که برای «ایجاد ناامنی، بیثباتی و بیاعتمادی میان کشورهای منطقه فعالیت میکنند.»
این بیانیه طالبان تایید کننده ادعاهایی است که کشورهای منطقه در باره حضور گروههای تروریستی در افغانستان مطرح میکنند. طالبان تا کنون این ادعاها را رد میکردند و میگفتند که گروههای خطرناک به امنیت منطقه در افغانستان حضور ندارند.
وزارت امور خارجه طالبان در بیانیهای که امروز جمعه منتشر کرده، گفته که برای شناسایی عوامل این حادثه، آمادهی همکاری کامل با دولت تاجیکستان است و در زمینه تبادل اطلاعات، همکاری فنی و ارزیابیهای مشترک، آمادگی کامل دارد.
وزارت امور خارجه تاجیکستان روز گذشته اعلام کرد که در حمله پهپادی از خاک افغانستان به کارکنان یک شرکت چینی در استان ختلان تاجیکستان، سه شهروند چینی کشته شدهاند.
در بیانیهای وزارت امور خارجه تاجیکستان آمده که این حمله بر اردوگاه کارکنان شرکت «الالسی شاهین اسام» با استفاده از یک هواپیمای بدون سرنشین حامل نارنجک و همچنین سلاح گرم در محدوده پاسگاه مرزی «استقلال» از واحد مرزی «یول» صورت گرفته است.
وزارت خارجه تاجیکستان تأکید کرده که با وجود تلاشهای این کشور برای حفظ امنیت در بخشهای مرزی با افغانستان، «گروههای جنایتکار مستقر در خاک افغانستان» همچنان به اقدامات بیثباتکننده ادامه میدهند.
این وزارت با محکوم کردن حمله، از طالبان خواسته است تا «اقدامات مؤثر» برای تأمین ثبات و امنیت در مرز مشترک انجام دهند.
دولت تاجیکستان نام هیچ گروهی را که مظنون به انجام این حمله باشد، فاش نکرده است.
تاجیکستان بارها درباره افزایش تهدیدهای امنیتی در مرزهایش با افغانستان هشدار داده است.
این در حالی است که به تازگی تاجیکستان تلاشهای دیپلماتیک خود را برای بهبود روابط با طالبان افزایش داده است.
در مناطق مرزی افغانستان و تاجیکستان در گذشته از فعالیت گروههای تروریستی مختلف از جمله گروه انصارالله تاجیکستان گزارش شده است.
طالبان: حمله به تاجیکستان کار گروههای مختل کننده امنیت منطقه است
ما را دنبال کنید
مطالب مرتبط
- تبلیغات -
