امروز یک هیات کمیته روابط خارجی مجلس نمایندگان آمریکا به ریاست تارین ودی، با محمدظاهر اغبر، سفیر دولت پیشین افغانستان در دوشنبه، پایتخت تاجیکستان، دیدارکرده است.
محور گفتگوهای این هیات با آقای اغبر«بررسی وضعیت افغانستان پس از تسلط گروه طالبان» خوانده شده است.
در همین خصوص بخش مطبوعاتی سفارت آمریکا در تاجیکستان به بیبیسی گفت که «هدف این هیئت تعامل با مقامات محلی در مورد موضوعات مرتبط با اهداف ایالات متحده در منطقه، از جمله کمکهای خارجی، مبارزه با تروریسم، تعامل اقتصادی و موارد دیگر است. این هیئت همچنین با جامعه مدنی و سازمان مهاجرین افغانستانی دیدار خواهد کرد.»
سفارت افغانستان در شهر دوشنبه جز نمایندگیهای خارجی این کشوراست که با وجود سقوط دولت قبلی افغانستان کماکان به فعالیت خود ادامه میدهد. تاجیکستان تأسیس یک حکومت فراگیر را شرط تحقق ثبات در افغانستان میداند.
