خبرگزاری راسک: ولادیمیر پوتین، رییسجمهور روسیه، در دیدار با امامعلی رحمان، رییسجمهور تاجیکستان، گفته است که مسکو از نگرانیهای دوشنبه درباره وضعیت افغانستان آگاه است.
این دیدار روز سهشنبه، ۱۰ سنبله، در حاشیه نشست سران سازمان همکاری شانگهای در بیشکک، پایتخت قرقیزستان، انجام شد.
پوتین گفت روسیه درباره تحولات افغانستان و دیگر مسایل مرتبط با امنیت، با تاجیکستان در تماس نزدیک قرار دارد و همکاری میان دو کشور در این زمینه ادامه دارد.
رییسجمهور روسیه همچنین روابط مسکو و دوشنبه را «شراکت راهبردی» توصیف کرد و بر ادامه همکاریهای دو کشور تأکید کرد.
تاجیکستان که با افغانستان مرز مشترک دارد، در سالهای اخیر بارها نسبت به تهدیدهای امنیتی ناشی از وضعیت افغانستان ابراز نگرانی کرده است. گزارشها از وقوع چندین حمله از خاک افغانستان به مناطق مرزی تاجیکستان در یک سال گذشته نیز حکایت دارد.
مسکو و دوشنبه پیش از این نیز در چارچوب همکاریهای امنیتی خود، درباره تهدیدهای ناشی از افغانستان و تأمین امنیت مرز تاجیکستان با افغانستان رایزنی کردهاند.
پوتین و امام علی رحمان درباره افغانستان گفتوگو کردند
